“Engjëll mbrojtës” në rrugët e Zvicrës

As gjobat dhe as
masat e tjera disiplinore nuk janë në axhendën e policisë zviceriane, e
cila ka menduar një mënyrë mjaft të vecantë për të evituar aksidentet
në rrugë.
Në Kantonin e Friburgut, drejtuesit e
policisë kanë menduar t’u tregojne shoferëve një “engjell”, i cili u
bën thirrje të jenë të kujdesshëm. Fushata e sensibilizimit nisi muajin e
shkuar ku nga tabelat publicitare “engjëlli” zbriti në terren duke
marrë forma njerëzore.

Kohët e fundit në Zvicër ka marrë jetë
një fushatë shumë e madhe më moton “Slow down, take it easy” që ka për
qëllim reduktimin e aksidenteve. Ndërkohë, në rrugët e Kantonit të
Friburgut, një aktor profesionist i veshur si ëngjëll, u këshillon
drejtuesve të makinave të jenë më të kujdesshëm në timon.

Ai
punon me orar part time rreth 20 orë në javë. Në Zvicër ka rreth 70 mijë
km autostradë ku shpejtësia më ë madhe e lejuar është 120 km/h.
“Engjëlli” do patrullojë në rrugët e kantonit deri në muajin tetor.