Muze e Institucione Kulturore

nga **Geri** Sun 9 May 2010 - 10:07

Muzeu Kulturës Popullore
Hapur në vitin 1982 në ambientet e Shtepisë karakteristike durrsake, e
gjysmës së dytë te shek.XIX. Janë ekspozuar objekte origjinale të
mjeshtrisë artizanale të banorëve të Durrësit e të rrethinave të tij.
Përmban koleksion të pasur të veshjeve popullore të trevës etnografike
të kësaj zone të Shqiperisë së mesme, si dhe punime artizanale në
material lesh, mëndafsh, pambuk, bri, bakër e gur.

Adresa: L.Nr.1, RR. “Koloneli Tomson”, Tel.052 23150. Orari 08-13;
17-19,Pushim e Hene

Shtëpia Muze “Aleksandër Moisiu”
Eshtë inaguruar në shtator 1982. Këtu ka kaluar fëmijërinë e tij aktori
me origjinë shqiptare A.Moisiu, në vitet 1884-1889, ku ka kryer dhe
vitet e shkollës fillore. Në dy dhoma shpalosen në stenda biografia e
tij familjare e artistike bazuar në dokumenta autentike; kurse në dhomën
e dytë paraqiten vepra arti të krijuesve vendas për figurën e aktorit
të madh.

Adresa: L.Nr.1, Rr. “Koloneli Tomson”, tel.05223150. Orari: 08-13;
17-19, Pushim e hene

Salla e Relikeve të Luftës
Eshtë inaguruar fillimisht në vitin 1969. Ka ardhur duke u pasuruar.
Ndodhet në katin e dytë mbi Kompleksin Funerar te Deshmoreve te ish
Qarkut te Durresit, dëshmorë të Luftës së Dytë Botërore (1939-1944),
krahas tyre jane varrosur dhe eshtrat e dëshmorëve të Lëvizjes
Patriotike të fillimit të shek.XX.
Në Sallën e relikeve janë ekspozuar armët trofe të Luftës së Dytë
Botërore, objekte personale të dëshmoreve.

Adresa:L.Nr.11, Rr.”Sander Goga”, Orari Cdo dite 08-16, Pushim: te
Shtunen e te Djelen

Muzeu Arkeologjik
Muzeu i vjetër është inaguruar në mars 1951. I riu më 13 prill 2002.
Muze i përmasave kombëtare. Ka te realizuar pavionin e prehistorisë dhe
të antikitetit, e të asaj postbizantine, ku janë ekspozuar rreth 2000
objekte arkeologjike të dala nga nëntoka muze e qytetit Eshtë në proçes
ngritja e pavionit të mesjetës.

Adresa: L.Nr.1, Rr. “TAulantia”, Tel.052 2253. Orari 08-13 dhe 17-19,
Pushim te Henen.