Facebook, hakersi rus vjedh 1.5 milionë llogari

nga **Geri** Sat 24 Apr 2010 - 9:24

Një hakers rus i
quajtur “Kirllos” ka arritur të hyjë në bazën e të dhënave të rrjetit
Facebook duke vjedhur 1.5 milionë profile të cilat i ka nxjerrë në
shitje.
Pasi ka arritur që të penetrojë me
sukses brendësi të serverave ai vodhi profilet duke i nxjerrë në shitje
me një cmim të kripur. Deri tani ka arritur të shesë 700 mijë prej tyre.
Këto profile mund t’u jenë shitur keqbërësve të tjerë, të cilët mund
t’i përdorin për transferta parash apo për sulme të tjera ndaj blogut të
famshëm.

Nëse bëjmë një llogari të thjeshtë, hakersi rus ka në
dorë 1 në 300 profile. Shitja e 1000 profileve me më pak se 10 kontakte
është bërë për 25 dollarë, ndërsa kontaktet me një numër më të madh
miqsh janë shitur më shtrenjtë. Sipas sistemit të sigurisë, Symantec,
profilet e përdoruesve shiten në tregun e zi për 1-20 dollarë.