KTHEMI ESHTRAT

Me rastin e Ditës së të pagjeturve:

KTHENI ESHTRAT

Para syve t’ botës mbarë –

Presin nënat në Merdarë !...

Ende shpresat nuk janë humbur ,

Për më t’ dashurit që u janë zhdukur !

Gjëmat e tyre e luajnë gurin –

Presin djalin, vëllain, burrin !...

Ktheni eshtrat, ogurzi –

Presin nënat me duar n’ gji !

N’ shami t’ zeza, gratë te dera ,

Zemër - shkrumb, motrat e mjera...

Syrgjyn vdekur këto viktima,

Buzëtharë , fëmijë jetima.

Ktheni bijtë e nënës loke –

T’ prehen n’ gjirin e kësaj toke !

Se kjo tokë iu dha ushqim –

Ktheni bijtë t’ prehen n’ amshim !

N’ dhera t’ huaja mbushë me djaj –

Dergjen eshtrat hiq pa faj !

Presin nënat në Merdarë –

Lumi i lotëve s’ ka të tharë !...

Një thes eshtra për ngushëllime –

Nga xhelatët, që bënë krime !...

I vodhën eshtrat në skëterra ,

E na i fshehën në humnera !...

Teksti, muzika dhe interpretimi:

Demir KRASNIQI