Teleskopi “Herschel” zbulon “kopshtin yjor”

nga **Geri** Tue 13 Apr 2010 - 5:14

Rreth 5 mijë vjet
dritë larg Tokës ndodhet një fole yjësh gjigandë, secili prej të cilëve
ka një masë 10 herë më të madhe se Dielli jonë.
Imazhet e para të këtij “kopshti
yjor” vijnë në Tokë nëpërmjet teleskopit hapësinor “Herschel”, i lëshuar
vitin e shkuar nga Agjencia Europiane e Hapësirës.

Yjet ndodhen
në mjegullnajën Rosetta, një masë e madhe pluhuri dhe gazi, e
mjaftueshme sa për të marrë brenda 10 mijë diej si i yni. Ky është një
zbulim i rastësishëm nga teleskopi, pasi më parë nuk dihej asgjë për
praninë e kësaj mase yjore që është relativisht e re.