“Microsoft” dhe “Nokia” drejt rrjeteve sociale

Gjigantët e
elektronikës “Microsoft” dhe “Nokia” po orientohen drejt integrimit të
aparateve celularë dhe rrjeteve sociale, duke e bërë jetën tonë edhe më
shumë interkative.

“Microsoft” ka prezantuar në San
Francisco dy celularët e saj, “Kin”, të cilët me një pamje të veçantë
kanë të integruar opsionin “Kin Loop”, që do të shërbejë për të mbledhur
në mënyrë automatike publikimet e rrjeteve sociale (MySpace, Tëitter).

Ndërsa
një tjetër funksion, i quajtur “Kin Spot”, fut një mënyrë të re për të
ndarë në mënyrë dixhitale ditën: video, foto, sms, faqe interneti,
lokalizim dhe azhornim të vendndodhjes, janë të ndara në një pikë të
vetme të telefonit që quhet “Spot”. Pasi mbushet “Spot”-i me gjithcka që
dëshirojmë të ndajmë, mjafton të zgjedhim se si t’i ndajmë me të tjerët
dhe t’i transmetojmë.

Nga ana e saj “Nokia” përgjigjet me
“Everyone Connect”, shërbim që mban rrjetet sociale, “chat”-in dhe
mesazhet e menjëhershme në tre modele të caktuara.

Objektivi
është arritja e klientëve që nuk duan të shpenzojnë 500-600 euro për një
telefon, duke ofruar funksione deri tani të paintegruara në mënyrë
efiçente mbi modelet ekonomikë.