Ndotja e planetit vjen nga stratosfera

Ndotja e madhe e
kontinentit aziatik po kthehet në një gangrenë për të gjithë globin.
Miliona tonelata dioksidi e sulfati
si dhe agjentë të tjerë të dëmshëm, qarkullojnë lehtësisht në shtresat e
stratosferës duke rrezikuar gjithë planetin. Sipas një studimi të
publikuar në “Science”, sistemi i qarkullimit të atmosferës i quajtur
muson, e përhap ndotjen në shumë pjesë të globit.

Stratosfera
nis në lartësinë 12 km dhe ndodhet mbi troposferën. Pjesa më e madhe e
ndotjes përqëndrohet në kufirin mes këtyre dy shtresave dhe nëpërmjet
satelitëve, shkencëtarët kanë zbuluar korridoret e qarkullimit.

“Duhet
të rishikojmë studimet për stratosferën ku më parë mendohej se nuk
kishte gazra të dëmshëm. Mbi të gjitha na shqetësojnë oksidi dhe azoti
pasi mund të shkatërrojnë ozonin”, thuhet në studim.