Gjebrea dhe Pasha gati për “Eurovizion 2010”

Gjebrea dhe Pasha gati për “Eurovizion 2010”
Dy muaj përpara pjesëmarrjes në “Eurovizion 2010”, duket se punët janë vënë në vijë nga konkurrentët shqiptarë, Juliana Pasha dhe kompozitori Ardit Gjebrea. Janë emrat që përfaqësojnë Shqipërinë në edicionin e 55-të të Festivalit Evropian të Këngës.
Këtë vit, festivali mbahet në Oslo të Norvegjisë në tri net, më 25, 26 dhe 27 maj.
Pasha dhe Gjebrea kanë udhëtuar nëpër
Evropë dhe jashtë saj, nëpër studiot evropiane të regjistrimit, miksimit,
masterizimit, e postproduksionit të videoklipeve.
Gjithçka pritet të
shihet më 25 maj kur kënga të dëgjohet në gjysmëfinale.
Regjistrimi është
bërë në studion “Cabin Studio”, që ushtron një aktivitet 20-vjeçar në Londër.


Miksimi i është lënë studios italiane “Softworks”, kurse masterizimi
është bërë nga “Sterling Sound”, Nju Jork.

Gjebrea tregon se është
ruajtur i njëjti version i këngës, nuk ka ripunime. Më 25 maj në skenën e
Eurovizionit do të dëgjohet e njëjta këngë, veçse në versionin anglisht me
titull “It’s all about you”.

FORCA SHQIPERIA