Haradinaj uron nxënësit dhe mësimdhënësit

Me rastin e 7 Marsit, Ditës së Mësuesit, respektivisht Ditës së hapjes së shkollës së parë shqipe, kryetari i Aleancës për Ardhmërinë e Kosovës, Ramush Haradinaj, uron të gjithë nxënësit dhe mësimdhënësit në vend.
“Në këtë ditë të shënuar ne kujtojmë kontributin e madh dhe të pazëvendësueshëm të mësimdhënësit shqiptar në ngritjen e vetëdijes kombëtare e qytetare, të kombi ynë, në të gjitha periudhat në të cilat kemi kaluar”, thuhet në mesazhin e liderit të AAK-së.

Haradinaj në urimin e tij potencon se, në këtë ditë kujtojmë me respekt të veçantë sakrificën e mësimdhënësve të Kosovës në dekadat e fundit të përpjekjeve për liri dhe pavarësi, me shpresë se pozita e tyre në shoqërinë tonë, në shtetin sovran e të pavarur të Kosovës, do të jetë më dinjtoze dhe se shteti ynë do ta respektojë dhe avancojë statusin tani për tani e jo të mirë të mësimdhënësit në Kosovë.

“I bindur se mësimdhënësit në Kosovë meritojnë pozitë dhe trajtim më të mirë dhe se sakrifica e tyre nëpër dekada, ende nuk po shpërblehet nga institucionet e vendit, edhe një herë të gjithë mësimdhënësve dhe nxënësve të Kosovës jua përcjellë urimet më të mira me rastin e 7 Marsit – Ditës së Mësuesit dhe të shkollës shqipe”, thuhet në urimin e kryetarit të AAK-së.