Ditëlindja e mbretëreshes, SHBA e uron një javë para

Nuk kanë fund gafat e
zyrës së Departamentit Amerikan të Shtetit, të drejtuar nga Hillary
Clinton.

Gafave të shumta të diplomates u
shtohet edhe një tjetër. Zyra e departamentit i ka dërguar një javë më
shpejt urimet për ditëlindjen mbretëreshës Elisabeta II.

Menjëherë
pasi ka kuptuar gabimin, DASH kërkoi ndjesë. “Ishim një javë më shpejt.
Gjithsesi, më mirë t’i dërgosh një javë më shpejt se sa një javë më
vonë”, tha zëdhënësi P.J. Crowley në një deklaratë pëe shtyp. Buckingham
Palace mësoi menjëherë për gabimin e administratës amerikane por priti
faljen zyrtare, e cila erdhi pak ditë më pas.

“Bëhet fjalë për
një gabim të paqëllimshëm dhe nuk u cilësua ofenues nga ana jonë”, tha
një zyrtar i Buckingham Palace.