Pa videoklip nuk mund të bësh emër

Kënga më e fundit e Yllka Deliut, së cilës ajo ia ka realizuar edhe videoklipin, titullohet “Emër dhe femër”. Për realizimin e kësaj kënge ajo ka bashkëpunuar me DJ Flum dhe me Veton Gashin, ndërsa për videoklip i ka ndihmuar edhe Trupa e Baletit të Kosovës.
“Për realizimin e kësaj kënge kam bashkëpunuar me DJ Flum dhe me Veton Gashin. Ndërsa për videoklip më ka ndihmuar Trupa e Baletit të Kosovës” ka treguar ajo për gazetën Epoka e Re.
Një këngë është gjithmonë më kualitative nëse asaj ia realizon një videoklip me koreografi të bukur.
“Kam marrë lëvdata të mëdha për sa i përket videoklipit, sepse një zhanër i videoklipit të tillë nuk është punuar ende në Kosovë”, ka thënë Yllka. Ajo mendon se sot në tregun e muzikës kosovare është shumë vështirë të depërtosh nëse një kënge nuk ia realizon një videoklip.