Kthehet në funksion faqja e Presidentit Topi

Faqja zyrtare e presidentit të Shqipërisë, Bamir Topi, është normalizuar, pasi mbrëmë atë e kishin sulmuar hakerët serbë.
Zyra e presidencës ka njoftuar se pas sulmit, faqja kishte kaluar në ripunim.
Pas ndërhyrjes së hakerëve, në mes të faqes zyrtare të presidentit Topi, në gjuhën angleze shkruante “Kosova është Serbi”.
Duket se ditëve të fundit ka filluar një luftë e vërtetë online në mes të hakerëve shqiptarë e serbë, pasi që tri faqet e presidentëve të Kosovës, Shqipërisë e atij të Serbisë kanë qenë cak i sulmeve të tyre.