VW Touareg hibrid – i shtrenjtë

Edhe në Gjenevë do të na paraqesin për herë të parë modelin e ri Touareg në versionin hibrid, në Volkswagen, duket se, edhe më tutje nuk presin se kjo teknologji, kur bëhet fjalë për shitjen, do t’i lë nën hije modelet e tyre më naftë.
Prodhuesi nga Wolfsburg tanimë ka rifreskuar ofertën në konfiguruesin e vet në internet për tregun gjerman, sipas të cilit vërehet qartë se modeli bazik me motor trelitërsh V6 TDI do të kushtojë 50.700 euro, derisa modeli hibrid V6 me benzinë dhe elektromotor të cilët së bashku zhvillojnë 380 kuaj fuqi dhe moment rrotullimi prej 530 Nm do të kushtojë 22.800 euro më shumë, respektivisht 72.300 euro.
Ani pse tani për tani nuk jemi të njohur me nivelet e pajisjeve të cilat vinë për modelet e caktuara, gjykuar sipas konfiguruesit online të sipërpërmendur modeli hibrid do të jetë më i shtrenjtë sesa modeli i fuqishëm me naftë dhe motor V8, i cili së bashku me tatim në Gjermani do të kushtojë - 70.800 euro. /