Bunkeri britanik për mbrojtje atomike në shitje

Bunkeri britanik për mbrojtje atomike në shitje


Një bunker atomik i periudhës së Luftës së Ftohtë në Britaninë e Madhe është vënë në shitje në faqen e internetit ”eBay”, ndërsa deri të hënën çmimi i këtij bunkeri arriti vlerën prej 21.500 euro.
“Një mundësi e rrallë për ta pasur një copë historie të Luftës së Ftohtë”, shkruan në reklamimin e shitjes në faqen e internetit. “Ky bunker është i vendosur në një ambient mahnitës me një pamje fantastike. Bunkeri personal atomik shitet me një copë të madhe toke dhe shumë pajisje tjera origjinale”.
Pasi ishte reklamuar me çmim fillestar prej 500 paund të enjten vonë, menjëherë filloi lufta se kush do ta blejë strehimoren antiraktetore. Të hënën në mëngjes çmimi i këtij bunkeri u rrit në 19.300 paund pas 39 ofertave të ndryshme.
Me përmasat 15 me 15 metra, ky bunker është i vendosur në një fshat britanik dhe “ka një pamje panoramike përpara”, thotë shitësi.
Bunkeri është i vendosur përafërsisht 5 metra nën tokë dhe ka dy dhoma – një tualet kimik dhe dhomën e monitorimit – si dhe dy hapësira ventilimi.