Çekët hapën agjenci udhëtimi për lodrat

Çekët hapën agjenci udhëtimi për lodrat

Dizejneri i ri çek, Marek Hlavka nuk kishte ëndërruar se ideja e tij për një agjenci udhëtimi për arushat me pelush, do të pranohej aq mirë kur javën e kaluar e propozoi si ide për realit shoun televiziv “Den D”.
Pasi kishte parë filmin francez “Amelie”, Marek Hlavkas i lindi ideja për një agjenci udhëtimi “sendyoudarling.com” në të cilën tashmë kanë investuar paratë e tyre ish ministrja çeke e Teknologjisë Dana Berova dhe biznesmeni Timio Okamura.
Kjo është dëshmuar si një lëvizje e zgjuar biznesi pasi javën e kaluar faqja e tyre e internetit ishte vizituar mbi 15.000 herë.
Udhëtimi për arushin tuaj me pelush do të kushtojë ndërmjet 90 deri 150 euro, ndërsa përfshin fotografimin para vendeve të popullarizuara në Pragë, siç është Pallati i Pragës. Mund të kërkoni po ashtu masazh ose piknik për lodrën tuaj.
Aranzhmani më i shtrenjtë përfshin jastëkun për udhëtim të rehatshëm deri në Pragë dhe prapa, masazh në tepih të posaçëm në Karlov Most me qirinj dhe erë të mirë, të cilën do ta kryejë vetë ideatori i këtij projekti, Hlavka.