Falsifikimi i dokumentave, në pranga 4 persona

nga Vizitor Tue 19 Jul 2011 - 9:49

Policia e Tiranës, në sajë të operacionit të koduar "Bambuja",
ndaloi mbrëmjen e të hënës katër shtetas të cilët akuzohen për
falsifikim dokumentash.Operacioni u krye nga Seksioni
Kundër Krimit Ekonomik, Financiar dhe Ekonomik, ndërsa të arrestuarit
jan Durim Elmaz Zuna, Çimi Elmaz Zuna, Indrit Abdullah Daja, Arsen Murat
Quku.
Zëdhënësja e Policisë së Tiranës, Alma Katragjini, tha se këto
shtetas, në bashkëpunim me njëri-tjetrin, u siguronin qytetarëve të
ndryshëm, kundrejt shumave të parave prej 100-200 euro për çdo rast,
dokumenta të falsifikuara si leje drejtimi kombëtare dhe ndërkombëtare,
dokumenta të huaja automjetesh si dhe dokumenta të ndryshme shkollore,
raportoi AS.
Gjithashtu, këto shtetas bënin edhe falsifikimin e dokumentave të
automjeteve të shtetasve të huaj me qëllim trafikimin e automjeteve nga
shtetet e tjera në vendin tonë./Telegrafi/