Ekspertiza: 49 vjeçarja humbi jetën nga mjekimi i pakujdesshëm

Ekspertiza mjeko-ligjore, e kryer edhe nën praninë mjekëve nga
Tirana, tregoi se vdekja e Fatbardha Alikos, 49 vjeç e ndodhi një ditë
më parë në maternitetin e Korçës, ka ardhur si rezultat i mjekimit të
pakujdesshëm.Policia njoftoi zyrtarisht kryerjen e autopsisë
dhe rezultatet që tregojne se vdekja ka ardhur nga pakujdesia. Sipas
policisë, mjekët të cilët janë marrë me mjekimin e Alikos do të ndiqen
penalisht.
Fatbardha Aliko u gjet e vdekur dje në maternitetin e Korcës, ku qëndronte prej 10 ditësh, pas një ndërhyrjeje kirurgjikale.
Gruaja, nënë e dy fëmijeve ka bëre një ndërhyrje kirurgjikale në
mitër, operacion i cili një ditë më parë edhe nga policia u cilësua si i
suksesshëm.
Familjarët e viktimës ishin ata që të shtunën kërkuan që policia t’i
përqëndronte hetimet e saj në pistën e mjekimit të pakujdesshëm,
raportoi Panorama./Telegrafi/