Rrëmbehet gruaja e kryebashkiakut të Kavajës

nga Vizitor Wed 1 Jun 2011 - 3:23

Rrëmbehet dhe mbahet peng për disa orë gruaja shtatzënë e kryebashkiakut socialist të Kavajës Elvis Rroshi. Ngjarja
e rëndë ndodhi mbrëmjen e së martës rreth orës 23:00 në Tiranë, kur në
rrethana ende të panjohura disa persona të paidentifikuar kanë rrëmbyer
gruan e kryetarit të sapo zgjedhur të bashkise.
Mësohet se pas këtij veprimi rrëmbyesit kane dërguar një mesazh në
telefonin e Rroshit. Sapo ka marre njoftim për ngjarjen, policia është
vënë në kërkim të autoreve. Sipas policisë, e rrëmbyera është goditur
disa herë dhe është gjetur pa ndjenja rreth orës 8:00 të mëngjesit të së
mërkurës në qytetin e Durrësit, në afërsi të një kanali.
Policia ka nisur hetimet për ngjarjen duke ngritur postblloqe të
shumta në rrugët kryesore, por ende nuk ka një të dyshuar për
ngjarjen./Telegrafi/