Vitet ecin pas për Albërien

E kush nuk e mban mend hitin e saj të padiskutueshëm
“Lozonjarja”, përmes të cilit bëri për vete me mijëra fansa kudo në
trojet shqiptare. E preku suksesin që në moshë fare të re dhe përherë që
sjell një këngë të re, vëmendja drejtohet sërish nga ajo.Këngëtarja
ka përgatitur klipin e ri “Kur nuk shkon në shkon”, por ajo që bie në
sy është dukja e saj. Edhe pse tek të 40-tat, këngëtarja nuk reflekton
asnjë çast moshën e saj.

Fotot nga klipi më i ri shfaqin këngëtaren që reflekton freski dhe
gjallëri. Duket se vitet ecin pas dhe nuk kanë lënë gjurmë tek
këngëtarja, nënë e dy vajzave të rritura. Tanimë dihet që njëra prej
vajzave të saj ka hyrë në botën e muzikës ndërsa Albëria e ka ndihmuar
të ecë para në këtë fushë aspak të lehtë.

Por, fansa “të çmendur” të Albëries shkojnë dhe më tej, në rrjetin
social Facebook, bëjnë krahasime mes saj dhe aktores së madhe Angelina
Jolie ku, sipas fansave, Albëria qëndron ku e ku më lart. /BalkanWeb/