Shakira, koncert humanitar në Kosovë?

Këngëtarja kolumbiane me famë botërore, Shakira, do të mbajë
koncert në Kosovë gjatë muajve të verës, pohon producenti Rudolf Keller
nga Power Concert Company.Producenti Keller pohon se ka
dëshirë ta bëjë Prishtinën qytetin që do të jetë në listën e artistëve
të njohur botërorë. Artistja më e rëndësishme, që pritet të performojë
në Prishtinë në muajin gusht, është Shakira.
“Shakira do të vijë në Kosovë, dhe do ta bëjmë si një lloj festivali,
ku do të ketë edhe hapësirë për kamping”, ka pohuar Keller për 'Zëri'
duke shtuar se koncerti do të jetë humanitar, do të organizohet në
bashkëpunim me UNICEF-in, dhe të gjitha paratë do të shkojnë për
organizatat e fëmijëve që janë lënduar apo janë të traumatizuar prej
luftës.
Gjatë vizitës së saj në Kosovë, Shakira do të vizitojë spitalet e
fëmijëve. Kjo sipas Kellerit do të jetë reklama më e mirë që mund ta
ketë Kosova. Keller ka thënë se nuk i dëshiron muzikantët arrogantë dhe
në ndikim të drogës si puna e këngëtarit ‘50 cent’.
“Duhet t’i njohim njerëzit që i sjellim këtu”, ka thënë ai.
Në muajin prill, Power Concert Company do t’i shpalosë planet e detajuara për organizimet e lartpërmendura. /Telegrafi/