Sot, dita më e lumtur e vitit

O+(NxS)+Cpm/T+He! E
dini se cfarë është kjo? Eshtë pikërisht formula e lumturisë, e
përllogaritur nga një ish-docent i Universitetit të Cardiff.

Në të përmblidhen idetë për ditët më
të gjata, për lulet që celin, për sigurinë se pushimet po vijnë, për
kujtimet e bukura të fëmijërisë që kanë lidhje me verën...

Të
gjitha këto ndjesi arrijnë pikun të premten e tretë e muajit qershor, e
cila konsiderohet si dita më e lumtur e vitit.

E megjithatë shumë
njerëz kujtojnë se do të jenë më të lumtur nëse do të fitojnë më shumë!


"Shoqëria jonë po bëhet shumë materialiste me persona të cilët
në vend që të pyesin veten se sa janë të lumtur, pyesin se sa duhet të
fitojnë për të qenë të lumtur. Këshilla më e mirë që mund të jap është
që njerëzit duhet të punojnë më pak dhe të kalojnë më shumë kohë me ata
që duan, sepse kjo na bën me të vërtetë shumë të lumtur", thotë profesor
Cliff Arnall, për "Daily Express".