Stinë e re, ngjyra të reja

Një stinë ikën dhe
një tjetër më atraktive vjen e bashkë me to një evolucion i madh
ngjyrash ka trokitur në derë.
Seksi fëmëror është vënë në lëvizje.
Dhe nuk ka sesi të jetë ndryshe, pasi tundimi për të ardhur ndryshe këtë
verë vihet re kudo. Ndodhemi në qendrën estetike “Magic Center në
Tiranë”.

Alma dhe Anxhela kanë ardhur për të ndryshuar
krejtësisht imazhin e tyre, nën një luk që do të përshtatet me tendencën
e stinës. Bledi ka mëse 10 vite që merret me artin e flokëve. Vajzat
kanë besim në duart e tij.

“Tendencat e kohes jane flokët me
cokollatat e hapura dhe bionde e hapur. Tani jemi edhe ne kohen e duhur
pasi po vjen stina e veres”, shprehet ai. Për të arritur ne ngjyrën e
flokëve që vajzat dëshirojnë dhe për tiu përshtatur sa më shumë stinës,
është e nevojshme që të ndiqen disa hapa, sidomos për flokët e errët.

“Normalisht
qe te arrish ne kete pike duhet ndjekur nje procedure. Nuk mund te beme
nje hapje te shpejte pasi kjo mun ta shkaterroje flokun dhe nuk arrijme
ate qe duam. Në këtë kohë ka shumë femra që vijnë të ndryshojnë
flokët”, shton Bledi.

Me Almën puna është më e lehtë, kjo pasi
vajza i është nënshtruar procedurave më të hershme të ndryshimit të
ngjyrës. Ndryshe ndodh me Anxhelën e cila për shkak të ngjyrës së errët
të flokëve, duhet të presë deri në arritjen e ngjyrës së dëshiruar.

“Kjo
eshte hapja e vetme qe do bejme me Almen, pasi ajo ka ardhur duke e
ndryshuar ngjyren me kalimin e kohes. Tani jemi ne minuten e pritjes se
bojes dhe arrijme ne ngjyren e kerkuar. Normaisht ka shumë vajza që
kërkojnë hapje ekstreme por unë nu ua sugjeroj”, pohon parukieri.