Angli, arrestohet prifti, predikoi kundër homoseksualëve

nga **Geri** Mon 3 May 2010 - 5:43

Në emër të lirisë së
mendimit dhe veprimit, policia britanike nuk kursen as përfaqësuesit e
Kishës.
Nje predikues i krishterë është
ndaluar nga policia e Workington, pasi po predikonte në rrugë kundër
homoseksualitetit, duke thënë se ky është një mëkat. 42 vjecari Dale
McAlpine, ka thënë një agjenti se homoseksualiteti shkon kundër
vullnetit të Zotit.

Agjenti Sam Adams i ka kërkuar t’i japë fund
këtij predikimi. “Ai po përdorte një gjuhë të rëndë dhe ofensive”,
thekson ai, duke shtuar se McAlpine nuk e ka dëgjuar. Nga ana tjetër,
prifti thote se ka qënë një nga eksperiencat më të këqija të jetës së
tij.

“Më kanë trajtuar si një kriminel para njerëzve të mi.
Liria ime u kufizua dhe u keqtrajtua nga dikush që nuk vlerësonte atë që
po thoja”, akuzoi McAlpine. Në Britani nuk është hera e parë që një
predikues fetar arrestohet pasi flet në publik kundër homoseksualitetit.