Adelina: Nuk më intereson Balkanika MTV Awards

Adelina: Nuk më intereson Balkanika MTV Awards
Ikona e muzikës shqiptare, Adelina Ismaili, ka goditur në shenjë festivalin e muzikës ballkanase Balkanika MTV Awards, për siç thotë ajo pro-sllavizmin dhe mosnominimin e shqiptarëve në këtë festival prestigjioz.
Kosova është lënë krejtësisht jashtë këtij festivali që mbledh krijuesit e
muzikës nga i gjithë Ballkani, edhe pse këngët e këngëtarëve kosovarë
transmetohen në Balkanika MTV. Shqipëria nga ana tjetër të vetmin përfaqësues të
denjë e ka Elvana Gjatën me këngën “Turn You On”, por duke parë konkurrencën me
rumunen Inna, vështirë se do të mund të dalë me ndonjë rezultat kombi ilirik në
këtë festival.
“Nuk çuditem pse nuk jam e nominuar, unë nuk kam asnjë kontakt në Balkanika,
sepse nuk më ka interesuar kurrë. Ju e dini, Kosova nuk përfaqësohet fare në
këtë televizion, ndërsa Shqipëria me sa duket po, ka një person përfaqësues në
Balkanika, por unë nuk e di se kush është. Nuk di as si kanë arritur klipet e
mia në këtë televizion, por me këto çështje merret SUISA (Agjencia Evropiane e
Mbrojtjes së të Drejtave të Autorit)”.
“Gjithsesi besoj se vendimtare për mosnominimin tim ka qenë kënga e fundit
‘Urdhër i Ri ILLYRIC’, ku unë Ballkanin e kam quajtur Iliria, dhe ju e dini që
ky televizion është pro-sllav. Thënë thjesht, nuk ma ndien fare për Balkan
Awards, kur po përgatitem të editoj album në Evropë”, citohet të ketë thënë
Adelina për faqen DivaAdelina.

Kjo eshte me mira, nuk ka konkurente.