Familja e Klodit largohet nga Lezha

Familja e Klodit largohet nga Lezha




Lezhë, 1 prill - Pas protestave të vazhdueshme dhe presionit të qytetarëve të
Lezhës që prej ditës kur djali i tyre Klodi deklaroi hapur në një show televiziv
prirjet e tij seksuale, familja Çela është detyruar të largohet nga qyteti.
Sipas BallkanWebit, nëna dhe motra e Klodit mësohet se janë larguar nga ky
qytet, pas presioneve të shumta dhe protestave që u bënë kundër tij, pasi siç
janë shprehur, qëndrimi në Lezhë mes presioneve ka qenë i pamundur.
Ndërkohë
pritet që nesër ambasadorët Withers dhe Borchard të mbërrijnë në Lezhë, ku do të
flasin për çështjen në një takim të organizuar në bibliotekën e këtij qyteti.
Ambasadori amerikan dhe ai gjerman pritet të bëjnë një deklaratë publike mbi
këtë çështje, ndërsa bashkë me ta do të jetë edhe përfaqësuesi i qeverisë dhe
pushtetit vendor, si dhe drejtori i përgjithshëm i policisë, Hysni Burgaj,
bashkë me përfaqësues nga shoqëria civile. Ndërkohë, sot ka reaguar për largimin
e nënës së Klodit dhe motrës së tij nga Lezha edhe shoqata LGBT PRO Shqipëri,
duke e quajtur një turp faktin që edhe pas protestave të vazhdueshme në Lezhë,
qeveria nuk mori masa për të mbrojtur familjen e Klodian Çelës.
Menjëherë pas
vetëdeklarimit të Klodianit për homoseksualitetin e tij, të rinj lezhianë
protestuan për disa ditë me radhë, duke kërkuar daljen e Klodit nga spektakli
televiziv e duke përsëritur thirrje raciste ndaj homoseksualizmit.
Thirrjet
raciste kanë shkuar deri në atë pikë sa protestuesit kanë mohuar madje edhe
origjinën e Klodit, me arsyetimin se djemtë e Lezhës apo shqiptarët nuk kanë të
tillë moral.

me pelqen kjo tem vjola bravo qe e ke zgjedh,sa apsurde ta mendosh s kam fjal ta pershkruaj,cfar populli ka keshtu dhe lezha??ja pra ky eshte mentaliteti shqipetare.

Tila shkruajti:me pelqen kjo tem vjola bravo qe e ke zgjedh,sa apsurde ta mendosh s kam fjal ta pershkruaj,cfar populli ka keshtu dhe lezha??ja pra ky eshte mentaliteti shqipetare.

Pamvarsisht se si eshte njeriu duhet respektuar jeten e tij dhe jo ta debojn nga vendlindja do te thoja se eshte akoam populli shqiptar mbrapa me shume gjera!!!

po pra kjo duhet te na preki te gjith ne seder pasi kuptojme popullin tone me kete mentalitet te ndryshkur eshte nje fatkeqsi per ne kjo gje.