SHBA, 800 miliardë borxh Kinës

SHBA, 800 miliardë borxh Kinës



Tërhequr më 18 Shkurt 2010


Sipas gazetës
britanike “The Guardian”, Shtetet e Bashkuara të Amerikës dhe Kina
aktualisht ndodhen brenda një përqafimi të çuditshëm ekonomik, marrë
parasysh faktin se borxhi i SHBA ndaj shtetit më të numërt botëror arrin
në 800 miliardë dollarë.

Gazeta londineze “The Guardian” konstaton se Kina është bërë një faktor i
rëndësishëm ekonomik në rrafshin global.

Kina fitimin e saj nga prodhimet e lira që i plason nëpër tregjet e
huaja e shfrytëzon për blerjen e letrave me vlerë, në shumë shtete të
zhvilluara botërore. Prioritet, natyrisht, kanë letrat shtetërore
amerikane me vlerë.
“Kina tani qëndron e ulur mbi një grumbull të tërë letrash me vlerë, një
gjë kjo shqetësuese, duke marrë parasysh deficitin e madh amerikan”,
shkruan “The Guardian”.

Gazeta gjithashtu thekson se, nga ana tjetër, Kina nuk mund të lirohet
brenda natës nga letrat e saj me vlerë, meqenëse kjo gjë do ta lëkundte
seriozisht stabilitetin e dollarit amerikan, gjë që, veç tjerash, do t’i
shkaktonte dëm të madh edhe vetë ekonomisë kineze.

“Nëse një banke ia keni borxh 100 dollarë, ky është problemi juaj, por
nëse i keni borxh 100 milionë euro, atëherë ky tashmë bëhet edhe problem
i saj. Ndërkaq, SHBA i kanë borxh Kinës plot 800 miliardë dollarë”,
thekson gazeta britanike.