A me Shum Ka DaShuri aPo Tradheti permes Internetit...???

une them tradheti

Njohjet online
Tendence, si e shpjegojnë psikologët realitetin virtual që lidh me
mijëra çifte on line. A është “dashuri e vërtetë” dashuria në Internet? Në
realitetin e ri, në realitetin virtual, çdo ditë lidhen gjithnjë e më tepër
njerëz. Komunikimi i drejtpërdrejtë përmes shfrytëzuesve të Internetit, në
cilindo shtet a qytet, i mënjanon largësitë gjeografike dhe ofron liri të plotë
të të shprehurit. Këmbimi i mendimeve, ideve e qëndrimeve bën që njerëzit të
afrohen, të lirohen nga pakënaqësitë, paragjykimet dhe paaftësitë që shfaqen në
komunikimet “sy më sy”. Ky lloj i mediumit për komunikim të shpejtë dhe kryerje
të shpejtë të punëve po bëhet medium për të dashuruarit. Dashuria përmes
Internetit është dukuri e re, të cilën ende nuk e kanë studiuar mirë psikologët
dhe sociologët.
Si njihen njerëzit? Të njihesh përmes Internetit, nuk është
aspak e vështirë. Mjafton të kyçeni në forume, grupe të ndryshme të
diskursioneve, dhoma të diskursioneve dhe, për një kohë të shkurtër, do të keni
me dhjetëra letra elektronike. Aq më tepër, nëse keni faqe personale vetë, do
t’ju lajmërohen njerëzit anë e mbanë botës. Dhe kështu gjithçka fillon me një
bisedë të thjeshtë rreth një teme me një person ende të panjohur për ju dhe,
natyrisht, nëse ajo bisedë bëhet interesante, me të përsëritet komunikimi
vazhdimisht. E numri i partnerëve potencialë për biseda të këtilla është i
pafund. Shumë njerëz mendojnë se dashuria përmes Internetit është kurth dhe për
një gjë të tillë nuk duhet diskutuar. Pa marrë parasysh se kush ndodhet në anën
tjetër të rrjetit, pa marrë parasysh përmbajtjen e letrave, porosive, vërtet,
krejt çka dimë për personin tjetër janë shkrimet e tij elektronike. Shumëkush
mendon se të dashurohesh përmes Internetit, pa e njohur fizikisht një person,
është e njëjtë sikur të dashurohesh pa sy e vesh, ngaqë gjithçka paraqet
rezultatin e imagjinatës dhe frazave të thurura me mjeshtri. Por a është vërtet
pikërisht kështu?
Një nga karakteristikat themelore të komunikimit përmes
Internetit është anonimiteti. Kjo mundëson lirinë e të shprehurit, të
qëndrimeve, ideve dhe paraqet bazën e njohjes së njerëzve. Njohja rrjedh më
shpejt nga brenda-jashtë, duke zbuluar personalitetin, karakterin, ndjeshmërinë,
animin, motivimin dhe, shkurt e trup, gjithçka që personin në anën tjetër të
rrjetit e bën të veçantë. Kryesore në komunikimet mes njerëzve, përmes
kompjuterit, janë fjalët. E fjalët i janë dhënë njeriut që, më mirë t’i fshehë
mendimet e veta, thotë një proverb. Megjithatë, gjithçka duhet të merret me
rezervë. Përderisa disave ky lloj komunikimi u ofron mundësi të lirisë së të
shprehurit të mendimeve, sinqeritetit, guximit, të tjerëve u ofron mundësi për
të servuar gënjeshtra, për të mashtruar dhe trilluar. Të gjithë ata që
dëshirojnë, kanë qasje në të. Prandaj, mashtrimet nuk janë mangësi e mediumit të
këtillë, po ato janë mangësi që tregojnë mangësitë individuale të njeriut.
Cilat janë përparësitë e njohjes përmes Internetit. Padyshim
që përparësitë janë nga më të shumtat, por ne do të numërojmë këtu vetëm
disa:
1. Gjasat për të takuar personat e shpirtit janë të
zgjeruara dhe përfshinë krejt botën.
2. Njoftimet bëhen në bazë të interesave të përbashkëta, e
kjo shpesh shpien në mirëkuptim dhe ju zhvillohet ndjenja se ju takon dikush apo
i takoni dikujt. Njoftimet bëhen në bazë të atraktivitetit, miqësisë dhe
dashurisë.
3. Nuk ekziston palakmueshmëri apo pasiguri, sikurse në
takimet e drejtpërdrejta. Njerëzit anojnë t’ i zbulojnë më shpejt mendimet dhe
qëndrimet e veta në këtë mënyrë.
4. Pasi ka mundësi të editohet teksti, mendimet dhe
shprehjet janë më koncize, më përmbajtjesore dhe të paramenduara mirë.
5. Ndjenja e vetmisë gati nuk ekziston, ngaqë gjithnjë del
dikush që është disponibël të komunikojë me ju.
Cilat janë mangësitë e njohjes përmes Internetit.

1. Mungesa e gjesteve përcjellëse, si ngjyra e
zërit apo e shprehjeve të fytyrës, që flasin shumë, mungesa e afërsisë
fizike.
2. Mungesa e erës, shijes dhe prekjes.
3. Keqkuptimi në komunikim (për shkak të mënyrës së
interpretimit fiks dhe vonesës së shkrimeve në rrjetë).
4. Jo sinqeriteti i personave që e keqpërdorin këtë medium
komunikimi. P.sh., thjesht dikush dëshiron të argëtohet në logorinë tuaj, pastaj
gënjimet për punën, luajta e roleve, gënjimi për statusin martesor, fëmijët,
gjininë, moshën… dhe gjithnjë ka të tillë që gënjejnë dhe të tillë që
besojnë.
5. Edhe pse ekziston mundësia e këmbimit të fotografive,
dëgjimit të zërit etj., prapë se prapë mungesa e prekjes, shikimit në sy,
intonimit të zërit dhe vetë fluidi i kontaktit shpirtëror (parandjenja kur
takohesh me një person, apo përshtypja e parë fizike) mungojnë. Ata që
mashtrojnë, madje mund t’u dërgojnë fotografinë e dikujt tjetër, zëri mund të
jetë i tjetërkujt, shkrimet po ashtu. Mund të gënjejnë edhe për përkatësinë
etnike, bindjet fetare, gjininë etj

as njera as tjetra them

Voglushja shkruajti:as njera as tjetra them

Pajtohem me mendimin tend plotesisht

Interes dhe perfitim

tradheti

Tradheti

me shum tradheti

tradheti ka me shume se dashuri

nuk ka te bej interneti ketu nuk eshte ne pyetje interneti ne pyetje jan vet dy persona qe takohen ne internet se sa besnik jan njeri ndaj tjetrit qe e doan njeri tjetrin me hile interes personal apo thjesht pa kurrfar interesi duhen me shpirt.....