Ekspozita e Violeta Kongos

Ish-gazetarja dhe drejtuesja e shumë emisionieve në Radio Televizionin Shqiptare, Violeta Kongo i është kthyer hobit të saj të vjetër, pikturës. Tani, nga komunikimi nëpërmjet fjalës me publikun, ajo ka zgjedhur të komunikojë përmes telajos, bojërave dhe ngjyrave të shumta. Punimet shumëngjyrëshe, të grumbulluara për 12 vite me radhë, Violeta Kongo i ka prezantuar në ekspozitën e saj të parë për artdashësit e kryeqytetit. Në pikturat e saj Violeta ka në fokus njeriun.

Ajo përdor teknika të ndryshme duke derdhur nëpermjet tyre fantazinë e saj, por në këtë ekspozitë të parë Kongo ka sjellë një teknikë disi të veçantë, një akuarel të mëndafshtë i vendosur në kornizë.

Violeta Kongo, e emocionuar në këtë ekspozitë të saj të parë, nuk la pa përmendur kontributin e miqve të saj piktorë që ndihmuan që pikturat e saj të promovohen në një ekspozitë të tillë.