Laureta: Kam realizuar ëndrrën time

Laureta Meçi, fotomodele, këngëtare dhe aktore nga Kuçova, e cila është duke vepruar në Shtetet e Bashkuara të Amerikës, gjatë një interviste për Telegrafi ka treguar se ajo ia ka dalë mbanë të shkollohet, të punësohet dhe të realizojë ëndrrën e saj pa asnjë ndihmë.“Ambicia vazhdon pasi është diçka qe s’ndalet në karakterin tim, por besoj, kam
realizuar shumë më tepër seç kam ëndërruar. Si një 20 vjeçare, pa
zotërim të gjuhës angleze, pa asnjë ndihmesë, me pak të holla, e vetme
në një vend si SHBA-të, arrita t’ia dal mbanë, të shkollohem me forcat e
mia, të punësohem, të kalitem, integrohem, të realizoj ëndrrën time
dhe, të jem një shembull i mirë për gjeneratën e re. Dëshiroj që rrëfimi
im t’ju ndihmojë të gjithë atyre që kërkojnë një jetë më të mirë, atyre
që kërkojnë një ëndërr, një shpresë”, ka thënë Laureta.
Edhe pse tashmë jeton dhe vepron në Amerikë, Laureta ndjen shumë nostalgji për vendlindjen e saj, Kuçovën.
“Kujtoj ditët më të bukura të jetës sime dhe një fëmijëri të bukur
dhe të qetë. E kujtoj me nostalgjinë më të madhe”, ka pohuar Laureta.

Laureta Meçi, aktualisht është modele për shumë reklama, si
‘American Culture’, ‘Kara Janx Fashion Collection’, ‘Angelic", ‘Gallery
Piece’.
Ajo thotë se gjithçka është duke i ecur mirë. “Kurrë më mirë, kam
mjaft surpriza dhe plane që kërkoj t’i realizoj dhe t’i sjell në jetë”,
ka shtuar Laureta.
Intervistën e plotë të bukuroshes Laureta Meçi mund ta lexoni këtu. /Telegrafi/