Fustanet përrallore

Shtëpia e modës Christian Dior ka prezantuar në Paris
koleksionin e ri vjeshtë/dimër 2011. Fustanet sikur nga përrallat e kanë
mahnitur publikun. Manekinet janë shëtitur në pistë me fustanet fabuloze duke ndërtuar një atmosferë mjaft romantike.
Revyja është mbajtur në Musee Rodin në kryeqytetin francez, ndërsa
punën më të vështirë e ka pasur Bill Gaytten, i cili është dashur ta
plotësojë zbrazëtinë që kishte lënë mosprezenca e dizajnerit John
Galliano (të cilin Christian Dior e ka suspenduar në muajin shkurt si
pasojë e një arrestimi nga policia për shkak të ofendimeve racore që
kishte bërë në një lokal në Paris). /Telegrafi/