Noise Seed synojnë skenën evropiane

Djelmoshat e rok-grupit alternativ Noise Seed, gjatë një interviste për Zëri, kanë zbuluar se caku i tyre është të performojnë krahas bendeve më të mëdha të rokut evropian.
Edhe pse të rinj në moshë, Noise Seed
tashmë kanë bërë emër në skenën e muzikës shqiptare. Grupi i formuar në
vitin 2009 e i përbërë prej pesë tinejxherësh, Ledri, Valoni, Vegimi,
Roberti dhe Graniti, ka marrë pjesë në disa festivale shqiptare, si
“Rock për Rock” e “Ngom”, por suksesin më të madh e patën në “Top Fest
8” ku fituam çmimin “Best New Artist”.
Sidoqoftë ëndrra e djelmoshave nuk mbaron me skenën shqiptare, por vazhdon edhe në atë evropiane.
“Në shtator kemi në plan të nxjerrim videoklipin tonë të parë dhe
ndoshta dhe albumin, për të cilin ka kohë që po punojmë. Po mendojmë të
angazhohemi edhe për MTV Exit, sepse mbetet ëndrra jonë të këndojmë
përkrah grupeve më të mëdha të rokut evropian”, thotë njëri prej
anëtarëve të grupit, Vegimi.
Synimin e tyre për të shijuar sukses dhe jashtë trojeve shqiptare e
tregon edhe fakti se nga dymbëdhjetë këngë sa ata kanë realizuar deri
tash, tetë prej tyre janë në gjuhën angleze. /Telegrafi/