George Clooney nuk është “gay”

Derisa Elisabetta Canalis hesht për ndarjen me George Clooney-n,
është paraqitur edhe një intervistë e një burimi shumë të informuar për
marrëdhënien e ish-çiftit në fjalë. Kësaj radhe nuk ka qenë askush nga
ekipi i Canalis-it, por njeriu i cili quhet Manuele Malenotti, mik i
Eli-t dhe George-t i cili pohon se pikërisht ky i ka njoftuar këta dy.

Në intervistë ai thotë se Clooney nuk është homoseksual, po një mashkull i cili nuk dëshiron martesë dhe fëmijë.

“E njoh George-n qe dhjetë vjet. Jam shumë mirë i informuar për
lidhjen e tij, pasi që unë i kam njoftuar. George deshi të njihet me
Elisabetta-n dhe më luti që të ndërmjetësojë. Gjithmonë e kam ditur se
lidhja nuk do të zgjasë, për më shumë, këtë edhe e kam pritur”, tha
Malenotti për revistën italiane “Chi” dhe shtoi: “Duhet t’i pyesni ata
për arsyet konkrete. Mundem vetëm të them se George është i vendosur që
nuk dëshiron edhe një herë të martohet dhe nuk dëshiron të ketë fëmijë”.