Lloyd Banks, biletat e koncertit në shitje

Sot (e shtunë) janë hedhur në shitje biletat e koncertit të
shumëpritur të reperit të njohur amerikan Lloyd Banks, i cili do të
mbahet më 7 korrik në Prishtinë. Lajmin e konfirmoi kompania
që e organizon koncertin, NextLevel, më saktësisht drejtori Ardin
Badivuku, që për Telegrafin ka bërë të ditur se biletat nga sot (e
shtunë) janë në shitje për koncertin e madh të 7 korrikut.
“Në treg janë 5000 mijë bileta normale që kushtojnë nga 10 euro,
ndërsa 1500 bileta tjera do të jenë për të ashquajturën ‘fan pit’ apo
biletat VIP, e cila ua mundëson fansave të jenë më pranë skenës dhe të
kenë hyrje të veçantë. Kjo biletë kushton 15 euro”, theksoi Ardini për
Telegrafin.
Më tej drejtori i NextLevel dha sqarime se falsifikimi i këtyre
biletave është i pa mundur, pasi vërehet me sy shtypi i cili është i
argjendtë, ndërsa në logon e NextLevel janë dy vija të shtypura me
ngjyrë UV (ultralvjollce), kurse kodi i biletës nuk është numër serik
dhe nuk ka gjasa që të falsifikohet.