Lil Wayne kërkon beatboxer, Noga flet për marrëveshje

Reperi amerikan, Lil Wayne, ka thënë se është në kërkim të një
talenti në ‘beatbox’ për të realizuar një bashkëpunim për albumin e tij
të ri “Charter IV”. Fjalët e Lil Wayne vijnë vetëm pak ditë
pasi tinejxheri kosovar, po ashtu i talentuar në beatbox, Noga, kishte
thënë se dëshiron ta fitojë konkursin për të bashkëpunuar me Lil Wayne
dhe se për këtë ka përgatitur një shumë të madhe parash.
“Njerëz, a është dikush i aftë në beatbox? Ahh, mund të paraqiteni
këtu, më duhet dikush për Charter IV”, kishte shkruar Lil Wayne në
Twitter.
Nga ana tjetër, Noga është i bindur se ai do ta sigurojë
bashkëpunimin, aq sa për mediumet ka filluar të flasë për zyrtarizimin e
marrëveshjes, megjithëse i pyetur nga Telegrafi ka refuzuar të japë
ndonjë fakt zyrtar për këtë. /Telegrafi/