Lady GaGa: Paratë janë asgjë për mua Shpërndaje

Lady GaGa ka thënë se ajo nuk është e interesuar në paratë të cilat vijnë së bashku me famën e saj.Në
një intervistë për The Financial Times, këngëtarja ka thënë se ajo
preferon t’i investojë paratë në produkcione të zhvilluara në skenë se
sa t’i harxhojë ato në gjëra të pavlera dhe ka zbuluar se ajo ishte afër
falimentimit pas turneut “Monster Ball” në vitin e kaluar.
“Është sinqerisht e vërtetë se paratë nuk kanë vlerë për mua. E
vetmja gjë e madhe që kam blerë janë valvulet e zemrës së babait tim dhe
një Rolls Royce për prindërit e mi, për përvjetorin e tyre. Dhe kjo
ishte sepse babai im kishte tabelën Lady Gaga në veturën tonë të vjetër
dhe kjo më çmendte pasi njerëzit e ndiqnin atë gjëkund, andaj i bleva
veturë të re”.
“Përndryshe gjithçka harxhoj në shou, dhe në të vërtet isha afër
falimentimit pas fazës së parë të ‘The Monster Ball’. Dhe ishte
qesharake pasi nuk e dija! Dhe mbaj mend se e i thosha çdokujt, ‘Pse
thoni se nuk kam para? Kjo është e tmerrshme, kam pesë singla numër një’
dhe ata thanë, ‘Mirë, je 3 milionë dollarë borxh’”, ka thënë këngëtarja
ekstravagante. /Telegrafi/