Jolie do të largojë seksipilitetin nga roli i Kleopatrës

Angelina Jolie është e vendosur që të shokojë filmdashësit duke
portretizuar Kleopatrën në një mënyrë krejt ndryshe duke ia larguar
epitetin e seks-simbolit.Jolie do të luajë rolin e lideres
legjendare ne ritregimin ngjarjes së famshme nga David Fincher në filmin
që pritet të lansohet në vitin 2013, në 50-vjetorin e filmit klasik me
rol kryesor të Elizabeth Taylor.
Ylli i filmit “Tomb Raider” është e bindur se versioni i saj i faraones do të jetë më pak magjepsës sesa portretizimi i Taylor.
“Ajo është keqkuptuar shumë. Mendoja se bëhet fjalë vetëm për
imazhin, por pastaj lexova për të dhe ajo ka qenë një nënë shumë e
fortë, ka folur pesë gjuhë dhe ka qenë lidere”.
“Performanca ime nuk do të jetë aq e bukur sa e Elizabeth. Po
mundohemi t’i futemi një të vërtete tjetër për të, si faraone në histori
dhe jo si një seks simbol, sepse ajo nuk ishte tillë. Madje edhe ideja
që ajo ka pasur shumë dashnorë- është e mundur të ketë pasur vetëm dy.
Ajo është shumë interesante, mirëpo nuk ka qenë një bukuroshe e madhe”,
ka thënë Jolie për revistën britanike Stella. /Telegrafi/