Vajza ime ma shpëtoi jetën

nga Vizitor Mon 16 May 2011 - 3:25

Ish-anëtarja e grupit “Spice Girls” Mel C kishte luftuar me buliminë,
por shpëtimin e gjeti në shtatzëninë dhe në lindjen e vajzës së saj,
Scarlett-it. Shtatzënia e nxiti që të fokusohet në fëmijën që mban dhe
jo vetëm në veten.

“Scarlet ma ndërroi tërë jetën, ajo më shpëtoi”, tha Mel C. “Sikur që
rritej barku im, unë kam qenë më krenare me trupin tim dhe së shpejti
kam filluar të ndihem më rehatshëm kur fillova të ha shëndetshëm”, shtoi
këngëtarja, e cila e lindi vajzën në shkurt të vitit 2009.

Këngëtarja po ashtu e sqaroi se bulimia ishte pasojë e famës që e
kishte me grupin “Spice Girls”. E kishte ndjenjën se nuk ka kontroll
ndaj jetës së saj, kështu që filloi ta kontrollonte ushqimin e saj.