Arrestohen 16 persona për trafikim të drogës

Policia e Kosovës ka arrestuar 16 persona gjatë operacionit të
quajtur “Harku” të organizuar nga Departamenti kundër krimit të
Organizuar, gjegjësisht nga Drejtoria e Hetimit të Trafikimit me
Narkotikë.Të arrestuarit janë kapur në posedim të 50 kilogramëve marihuanë, në vlerë të 25 mijë euro.
Gjithashtu, gjatë këtij operacioni janë sekuestruar dy automjete, dy
peshore elektrike dhe një qese me fara të kanabisit. Bastisjet janë
kryer në pesë komuna të Kosovës: Prishtinë, Obiliq, Han i Elezit,
Ferizaj dhe Gjilan. Hetimet janë kryer në bashkëpunim me policinë e
Maqedonisë dhe atë të Shqipërisë. /rtk/