Tarantino e dëshiron Gagan në film

Quentin Tarantino është përpjekur të bindë Ladyn Gagan të luajë
në filmin e tij të ardhshëm, duke ftuar Angelina Jolien dhe Brad Pitt të
takohen me këngëtaren gjatë Festivalit të Filmit në Kanë.Regjisori
i filmit “Pulp Fiction” ka kërkuar nga dyshja të përcjellin së bashku
koncertin e Gaga, pasi ka dëgjuar se këngëtarja është një fanse e
çmendur e tyre.
“Tarantino e di se Gaga është fanse e madhe e Brad dhe Angelina. Kur
ajo dëgjoi se edhe ata të dy do të jenë në Kanë, ajo ka thënë se
dëshiron ata ta përcjellin shoun e saj. Andaj Quentin i ka thënë mikut
të tij Brad që dyshja t’u bashkohen atyre”.
“Nuk është sekret se Quentin synon Gaga për një rol në njërin prej
filmave të tij të ardhshëm. Dhe tash ata të dy janë në Kanë dhe ai
dëshiron të tregojë kredencialet e tij”, ka thënë burimi për Daily
Mirror. /Telegrafi/