Rosie Huntington-Whiteley, femra më seksi në botë

nga Vizitor Thu 5 May 2011 - 1:11

Lista vjetor e femrave më seksi në botë, sipas
revistës së njohur për meshkuj, tani e ka parë dritën e vet. Kjo revistë
e njohur, e cila çdo muaj në faqet e saj prezanton bukuroshe gjysmë të
zhveshura, duke përfshirë edhe ato që sot kryesojnë botën e
shoubinzesit, këtë herë pozitën e parë në’ këtë listë, ia ka ndarë
bukuroshes britanike, manekines së famshme Rosie Huntington-Whiteley.

Në këtë listë për herë të parë është gjetur edhe bashkëkombësja e
saj, respektivisht princesha e re e Anglisë, Catherine Middleton, e cila
ditë më parë është martuar me princin William. Ajo ka arritur të zë
pozitën e 26-të, çka është një e arritur e madhe.

Në top-dhjetëshen e kësaj liste, dominojnë aktoret, por aty-këtu edhe
ndonjë manekine. Kështu, pas bukuroshes Rosie, vjen edhe një bukuroshe
tjetër, e kjo është aktorja Olivia Munn, e pasuar pas këngëtares së re
Katy Perry, e cila është renditur e treta.

Pozita e katërt dhe ajo e pestë, janë rezervuar për dy aktore tjera.
Bëhet fjalë për Cameron Diaz dhe kolegen e saj Mila Kunis. Pozita e
gjashtë është zënë nga e dashura e aktorit të njohur Leonardo Dicaprio,
manekines izraelite Bar Refaeli, ndërsa në vendin e shtatë është aktorja
tjetër dhe fituesja e sivjetme e çmimit Oskar për aktoren më të mirë,
Natalie Portman.

Edhe dy pozitat e fundit, respektivisht pozita e nëntë dhe ajo e
dhjetë, janë pushtuar nga aktoret. Këto janë bukuroshet Cobie Smulders
dhe Jennifer Lawrence.

Ndër bukuroshet tjera që janë gjetur në këtë listë, janë edhe Taylor
Swift (20), Michelle Trachtenberg (27), Lea Michele (28) dhe Sofia
Vergara (29).