Kina njeh Kosovën?

Topat e futbollit të prodhuar në Kinë, me hartën shtetërore të
Serbisë, kanë shkaktuar tërbim në këtë republikë. Kjo pasi topat e
ardhur nga Kina nuk kanë përfshirë edhe Kosovën në hartën e Serbisë.Topat
kanë kaluar nëpër doganën serbe pa u vërejtur fare, edhe pse një hartë e
tillë, sipas Kushtetutës serbe, përbën shkelje të ligjit.
Sipas asaj që shkruan “Kurir”, këta topa mund të blihen kudo nëpër dyqane kineze në Serbi, transmeton Zëri.
Edhe Ministria e Bujqësisë dhe Tregtisë është deklaruar se është e
njoftuar për një skandal të tillë, dhe se një ekip i inspektorëve ka
dalë në teren për ta vërtetuar këtë rast. /Telegrafi/