Samanta: Nuk jam e lidhur me asnjë menaxher

Samanta Karavello ka mohuar spekulimet nëpër media se ajo është
lidhur me një djalosh i cili njëherësh është edhe menaxheri i saj.Sipas
shtypit të shkruar, Samanta, falë kësaj lidhjeje, ka fituar jo vetëm
mbështetjen e të dashurit, por edhe ka bërë ndryshimet e nevojshme për
karrierën e saj, duke u shndërruar nga një çupëlinë, në një divë të
vërtetë.
E pyetur në lidhje me këtë nga mediat shqiptare, Samanta ka thënë se
është shtangur edhe vetë kur ka lexuar se ka dikë pranë që ka ndikuar në
ndryshimet e saj.
“Çdo gjë që kam arritur deri tani, e kam bërë falë vetes dhe
mbështetjes së familjes. Nuk kam lidhje me asnjë menaxher”, ka sqaruar
këngëtarja, por duke e anashkaluar pyetjen nëse ka të dashur apo jo.
Mediat shkruanin se dyshja ishin lidhur vitin e kaluar, por duke u përpjekur ta mbajnë sekret këtë marrëdhënie. /BW/Telegrafi/