Afrim Muçiqi me album të ri

Nuk janë të paktë zhanret e këngëve me të cilat paraqitet këngëtari ynë Afrim Muçiqi. Ai tani është në përfundim të albumit më të ri, që titullohet “Për të gjitha moshat” dhe përmban këngë folklorike. Sipas tij në këtë album ka punuar me Burim Krasniqin dhe Fatmir
Makollin. “Është ky albumi i katërt me radhë që përmban këngë folklorike, mendoj se kemi nevojë për këngë të tilla” ka thënë ai për
“Zërin”. Përveç albumit, Afrimi do të lansojë edhe dy këngë të reja, me zhanre të ndryshme. Njëra është baladë dhe tjetra më ritmike.
“Dëshiroj të sjellë këngë për të gjitha moshat dhe shijet e adhuruesve të mi. Prandaj përveç albumit me këngë folklorike, i kam përgatitur edhe dy këngë tjera jashtë albumit, të cilat i kam punuar në Shqipëri me Alban Fortunëm dhe Rozana Radin” pohon ai.
Këto dy këngë do të kenë edhe videoklipet të cilat pritet të lansohen gjatë muajve të ardhshëm.