Malda Susuri së shpejti me këngë të re

Përveç angazhimeve të përditshme që plotësojnë kohën e saj, të
cilat nuk kanë të bëjnë me këngën, këngëtarja Malda Susuri është duke
krijuar edhe këngë të reja. E radhës do të jetë një më shumë ritëm,
ndërsa sa i përket tekstit, i cili do ta shoqërojë melodinë ritmike të
Maldës, do të vije me një temë të veçantë.“Jam duke punuar
në një këngë ritmike, por nuk ka diçka më konkrete. Thjesht, jam duke u
angazhuar edhe rreth të rejave, por të cilat duhet të presim edhe për
pak kohë për lansim”, ka treguar Malda për InfoPress, ndërsa sqaron pak detaje rreth këngës në fjalë.
“Muzikën për këngën tashmë e kam në demo, por ende nuk e kemi
përfunduar edhe vijën melodike. Jemi duke punuar në këtë drejtim.
Realisht, po duam që gjithçka të shkojë sa më mirë, kështu që nuk po
ngutemi shumë. Kësaj radhe do të vijë me shumë ritëm, me më shumë
gjallëri, kështu që më mbetej të shpresoj se kënga do të dalë sa më
mirë”, ka thënë këngëtarja, duke shtuar se kësaj radhe u ka ‘ikur’
teksteve të dashurisë, duke i dhënë ngjyrë një tematike tjetër.
“Teksti i këngës që do të vijë, kësaj radhe nuk do të ketë tekst të
dashurisë. E kam në plan që të vij me një tekst tjetër, të sjell një
temë tjetër bashkë me ritëm”, ka përfunduar Malda. /Telegrafi/