Beckham: Djemtë duan edhe një vëlla

Victoria Beckham, e cila është shtatzënë me fëmijën e saj të
katërt me burrin David Beckham, thotë se djemtë e saj shpresojnë edhe
për një vëlla tjetër.Ish-anëtarja e grupit Spice Girls e
cila është shndërruar në dizenjatore, ka tre djem: Brooklyn, 11, Romeo,
tetë dhe pesëvjeçarin Cruz, me yllin e futbollit, dhe tash është duke
pritur fëmijën e katërt, por thotë se nuk e ka idenë për gjininë e
foshnjës, ndërsa djemtë shpresojnë edhe për mashkull në familjen e tyre.
“Mund të them, ndryshe nga thashethemet, se nuk e di gjininë e
foshnjës. Ne jemi shumë me fat dhe shumë të bekuar. Fëmijët janë të
ngazëllyer të kenë një vëlla të vogël për ta mësuar si të luajë
futboll... Por nëse është vajzë, do të ishim në hënë po ashtu”, ka thënë
Victoria. /Telegrafi/