Gresës i pëlqen të gatuajë

nga Vizitor Tue 1 Feb 2011 - 3:34

Gresa Behluli thotë se ajo pëlqen të kalojë kohë në kuzhinë edhe pse nuk është shumë e mirë në gatim.
“Nuk është se jam shumë e mirë në përgatitjen e ushqimit, por kur
përgatis diçka i përkushtohem shumë. Më shumë angazhohem në kuzhinë
atëherë kur më imponohet, më saktësisht kur mami nuk është në shtëpi, në
të kundërtën, mami është ajo që gjithnjë kujdeset për ushqimin”, është
shprehur Gresa për “InfoPress”.
“Zakonisht përgatis ndonjë gjellë të momentit dhe atë lloj ushqimi që
mua më pëlqen më shumë. E ëmbëlsirat më pëlqejnë më shumë t’i përgatis.
Por, them se ia dal mjaft mirë në përgatitjen e shumë gjërave
ushqimore”, ka shtuar këngëtarja.
E ata që zakonisht shijojnë ushqimin e Gresës janë dy motrat dhe
vëllai i saj, të cilët gati të shumtën e herëve e urojnë për ushqimin e
bërë.
Por, nuk është vetëm përgatitja e ushqimit angazhimi aktual i saj.
Gresa bën me dije se aktualisht është angazhuar mjaft shumë edhe në
muzikë. Ajo ka treguar se së shpejti do të xhiroj klipin e këngës “Faqe e
re” me të cilën kishte marrë pjesë në “Kënga Magjike”. /Telegrafi/