Cher e dëshpëruar nga mosnominimi për Oskar

Këngëtarja dhe aktorja veterane, Cher, e ka të vështirë ta
kuptojë pse filmi i saj “Burlesque” nuk mori një nominim për Oskar në
kategorinë për këngën më të mirë origjinale.Balada e saj
“You Haven't Seen the Last of Me”, këtë muaj ia siguroi një Golden Globe
kompozitores Diane Warren, mirëpo kënga mbeti jashtë listës së ngushtë
të nominimeve për Oskarë.
“Nuk jemi nominuar për këngën më të mirë! Ashtu nuk bën! Kënga e
Diane është shumë e bukur! Është vështirë të kuptosh se si mund ta
fitosh çmimin Golden Globe për këngën më të mirë, dhe madje as të mos
nominohesh për Oskar?”, ka shkruar Cher në Twitter.com. /Telegrafi/