Genta përgënjeshtron konfliktin me Dafinën

Genta Ismajli ka hedhur poshtë spekulimet e fundit nëpër media
shqiptare se ajo ka pasur konflikt me Dafina Zeqiri gjatë mbrëmjes së
spektaklit “Miss Universe Kosova 2011”.Siç ka raportuar
“Panorama plus”, vonesa e Gentës për të dalë në publik kur kënga e saj
“Femrat shqiptare” kishte filluar në transmetim, ka ardhur pikërisht për
shkak të mosmarrëveshjes që kanë pasur dy këngëtaret në prapaskenë. Por
Genta thotë se këto janë shpifje që po bëhen në media nga njerëz të
caktuar.
“Nuk është e vërtetë asgjë çfarë është thënë. Nuk kam pasur kurrfarë
konflikti më askënd. Unë Dafinën e kam kolege siç i kam të gjitha të
tjerat. Unë e kam duartrokitur kur ajo ka dalë në skenë dhe nuk kemi
pasur kurrfarë mosmarrëveshje”, ka thënë Genta për gazetën “Zëri”.
Kam ardhur në përfundim se janë vet këngëtarët që po bëjnë
thashetheme vetëm për të qenë nëpër media. Kam dëgjuar se këngëtarët i
thërrasin gazetarët për të nxitur sensacione. Kurrë në jetën time nuk e
kam thirrur një gazetarë për të shkruar diçka për mua. Pse duhet të kem
konflikt me Dafinën? Atë natë ka kënduar edhe Leonora Jakupi, dhe për
mua të gjitha janë njësoj”, ka shtuar Genta.
Sipas këngëtares kosovare, tezja e saj, e cila u raportua se kishte
thënë se “është dashur të jetë vetëm Genta dhe gjithë spektakli të
shndrisë vetëm me praninë e saj”, nuk ka qenë fare e pranishme.
/Telegrafi/