Sting u del në ndihmë australianëve

Rokeri britanik Sting është emri më i ri që i bashkëngjitet
fushatës për grumbullimin e fondeve për të ndihmuar njerëzit që u
përfshinë nga përmbytjet në Australi.Ish-frontmeni i “Police” ka kërkuar nga fansat që të dhurojnë para nëpër koncertet e tij.
Sting është bashkuar me yjet si Pink, “Kings Of Leon”, Beyonce, “Foo
Fighters”, Bruce Springsteen, Billy Joel dhe John Mayer, të cilët po
ashtu po ndihmojnë në rritjen e fondeve për të ndihmuar njerëzit që
mbetën pa strehë.
Mijëra banorë të Queenslandit u detyruan të largohen nga shtëpitë e
tyre këtë muaj, si pasojë e përmbytjeve të mëdha në këtë shtet
australian, ndërsa më shumë se 25 njerëz kanë humbur jetën. /Telegrafi/