Ami zëvendëson Alketën në “Dancing...”

Edhe pse Armanda Toska - Mamaqi ende nuk ka pranuar asgjë,
mediat në shqipëri, bazuar në burime të sigurta, njoftojnë se bukuroshja
do të largohet nga ‘Portokalli’ për ta zëvendësuar Alketa Vejsiun në
spektaklin “Dancing with the stars Albania”.Pavarësisht se
ishte planifikuar që Alketa Vejsiu ta drejtonte vetë edhe këtë edicion
të dytë të “Dancing with the stars Albania”, vonesat në prova mendohet
të jenë bërë shkak që showgirl-i të ndryshojë mendje.
Pritet që show i vallëzimit të vip-ve të fillojë transmetimin në fund
të muajit mars, që i përkthyer tek Alketa i bie të jetë në javët e
fundit të shtatzënisë. Kjo flitet të ketë qenë edhe arsyeja pse
prezantuesja e ka parë më të volitshme që të tërhiqet për t’u rikthyer
sërish në ekran gjatë muajve shtator-tetor.
Përkrah Amit në prezantim do të jetë Genti Zotaj, djaloshi simpatik
që prezantoi edhe vjet bashkë me Alketën. Se kush do ta zëvendësoj Amin
në ‘Portokalli’ nuk është bërë ende e ditur. /Telegrafi/